Diu Sælde hât gekrœnet mich
gegen der vil süezen minne,
des muoz ich iemer êren dich
vil werde küniginne.
swenne ich die vil schônen hân,
sône mac mir niemer missegân.
si ist aller güete ein gimme.
Geprüevet hât ir rôter munt,
daz ich muoz iemer mêre
mit fröiden leben zaller stunt,
swar ich des landes kêre.
alsô hât si gelônet mir,
gescheiden hât mich niht von ir
frou Zuht mit süezer lêre.
250
