VENGirl
Ко бы що бы там не говорив
Що в венгерку (мадярку) я ся улюбив
То є моє діло а не їх
Я для себе жию а не всіх
Люди всюды плещут языком
Що лиш пару дну із нив знаком
По зальоту в нас чи по любві
Йсе є перша новость у селі
В нас з тобов різниця 10 літ
Протів нас настроїн увись світ
Неспокойно так ми на души
Мы не годні быти в ракаши
Стара чилядь каже лем єдно
Що так годно быти лем в кіно
Зря морочу дівці голову
А пак найду си опят нову
На добро ци на свою біду
Я влюбився в тебе молоду
Як узнає твуй ісе отиць
Скорі буде ми уже кониць
Може тоже любиш мене ты
Бо без тебе всьо стає пустым
Сохну в'яну я лем за тобов
Та хоть знаю що то є нем йов
Як Джульєтта і Ромео я з тобов
Хоть у нас і вічна є любов
Не даст покуй ми твоя сім'я
Доку помню я твоє імня
Защо нащо Боже так зо мнов
Дай ми быти хоть із нив однов
Сам без ниї я вопше ніко
Як без тебе жити Еріко!?
Автор: Міша Стан, с. Угля, 25 жовтня 2016 р.
адреса: https://www.poetryclub.com.ua/getpoem.php?id=697072
Рубрика: Лірика кохання
дата надходження 27.10.2016
автор: Міша Стан