Sy hat mein hertz getroffē/
die ſchön die wolgemůt/
Zů ir ſo wil ich hoffē/
es würt noch alles gůt/
So freÿ ich mich der rainē/
woll in dem hertze mein/
Ich waiß woll wen ich mainē/
der aigē wil ich ſein/
Wölt ſÿ ſich noch bedenckē/
die hůbſchs die ſeiberlich/
Von ir wolt ich nicht wenckē/
ÿme' vnd ewigcklich/
gar ſtat bis an mein ende/
on alles abelon/
ſüſt můß ich ſein ellēdē/
weill ich das liebē han/
Ob ich mit ſchimpfÿ mit ſchertze/
an anderē ende frö/
beÿ ir bin ich in hertzē/
vnd anderſt inderß ſwo/
in recht' lieb vnd trew/
ich ir doch nie vergaß/
Ez můſt ich ÿme' rewe/
trůg ſy mir dar vmb haß/
Würd mir (vrkhunt) ir hulde/
eß wär mir ÿme' laid/
eß geſchůch an all mein ſchulde/
ſchwer ich auff meinē aid/
das ich beÿ meinē tagē/
ir liebe nie verdroß/
So můſt ich aber clagē/
vnd wer mein vn mut groß/
Doch will ich vō ir nit ſetzē/
ſÿ iſt mein höchſte gyn/
an ſÿ So wil ich hertzē/
hertz můt und all mein ſinn/
Ob es ſÿ wolt erparmē/
mein trawrē das ich trag/
Schlüß ſÿ mich an ir arme/
vergangē wer mein clag/
Der hoffnūg will ich lebē/
ſÿ hett mich dick ernert/
würd mir kain troſt gegebē/
So han ich gar verzert/
zwär all mein frewd auff erdē/
dar an hat ſÿ ein tail/
doch wünſch ich ir ÿe beÿd' weÿllē/
gelück vnd alles hail/
116
