In den tîden van den jâre
dat dî dage werden lanc
ende dat weder weder clâre,
sô ernouwen openbâre
merelâre heren sanc,
dî uns brengen lîve mâre.
gode mach hers weten danc
dê hevet rechte minne
sunder rouwe ende âne wanc.
Ich bin blîde dore here êre
dî mich hevet dat gedân
dat ich van den rouwen kêre,
dê mich wîlen irde sêre.
dat is mich nû alsô ergân:
ich bin rîke ende grôte hêre,
sint ich mûste al umbevân
dî mich gaf rechte minne
sunder wîc ende âne wân.
Dî mich drumbe willen nîden
dat mich lîves ît geschît,
dat mach ich vele sachte lîden
noch mîne blîscap nît vermîden,
ende ne wille drumbe nît
nâ gevolgen den unblîden,
sint dat sî mich gerne sît
dî mich dore rechte minne
lange pîne dolen lît.
147
